Ka ndërruar jetë një nga personat e mbetur nën rrënoja pas shembjes së një solete në fshatin Qerret në Kavajë.
Fillimisht u raportua se nga ekipet zjarrfikëse u nxorrën nga rrënojat të dy personat, ndërsa mësohet se pronari i banesës ku u shemb soleta ka ndërruar jetë gjatë transportimit në spital. Viktima është identifikuar si Shaban Shehi.
Njoftimi i policisë:
Rreth orës 13:15, në fshatin Qerret, është shembur tarraca e banesës së shtetasit Sh. Sh., rreth 55 vjeç, dhe ka zënë poshtë shtetasin Sh. Sh. dhe shtetasin A. R., 27 vjeç (i punësuar nga shtetasi Sh. Sh.), të cilët po kryenin punime ndërtimi.
Shërbimet e Policisë dhe ato zjarrfikëse, të cilat kanë shkuar menjëherë në vendin e ngjarjes, kanë bërë të mundur nxjerrjen nga rrënojat, të të 2 shtetasve. Shtetasi Sh. Sh. (pronari i banesës), për shkak të dëmtimeve, ka humbur jetën, ndërsa shtetasi A. R. është transportuar menjëherë në spital dhe po merr asistencë mjekësore, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të kësaj ngjarjeje.
Discussion about this post