Shembja e Teatrit Kombëtar/ Nis protesta para SPAK, PD dhe Aleanca kërkojnë drejtësi

Ka nisur para godinës së SPAK protesta e thirrur nga Partia Demokratike. Tubimi u njoftua dje nga deputeti i djathtë Belind Këlliçi.

Të pranishëm janë dhe anëtarët e Aleancës për Mbrojtjen e Teatrit. Ata kërkojnë drejtësi për Teatrin Kombëtar, i cili u shemb më 17 maj 2020.

“Thirrje për protestë! Thuajse 3 vjet nga shembja kriminale e Teatrit Kombëtar dhe SPAK hesht. Heshtja është bashkëfajësi. Qytetarët kërkojnë drejtësi! Nesër në ora 10:00, përpara godinës së SPAK-ut,”- njoftoi dje PD-ja.

Një ditë më parë, Partia Demokratike nisi valën e protestave kundër qeverisë. Një ditë më parë, qytetarët fikën për rreth një orë makinat në Elbasan, në shenjë proteste kundër rritjes së çmimit të naftës. Në prononcimet për mediat qytetarët u shprehën se çmimet janë rritur shumë dhe se ata nuk e përballojnë më jetesën në këtë vend.