Deputeti i Partisë Demokratike, Arbi Agalliu, ka reaguar në lidhje me shembjet që po bën IKMT në Radhimë ditën e sotme. Agalliu shprehet se po prishen banesa të cilat, sipas banorëve, disponojnë Certifikata pronësie, ndërsa njoftimi për prishje ju ka shkuar sot në mëngjes. Sipas tij, banorët shekullorë të kësaj zone nuk mund të trajtohen në këtë formë e mbi të gjitha duke ju shkelur të drejtat themelore.
“Po prishen banesa të cilat, sipas banorëve, disponojnë Certifikata pronësie. Njoftimi për prishje ju ka shkuar sot në mëngjes. Familjarë me fëmijë e të moshuar nuk mund të nxirren në rrugë të madhe e mbi të gjitha me dhunë. Të zbatohet ligji. Banorët shekullorë të kësaj zone nuk mund të trajtohen në këtë formë e mbi të gjitha duke ju shkelur të drejtat themelore. Çfarë projekti do të implementohet në tokat e tyre? Duhet transparencë mbi atë çfarë po ndodh!” – shkruan Agalliu.
Discussion about this post