Pas përfundimit të mbledhjes së qeverisë, ministrja e Infrastrukturës dhe Energjetikës, Belinda Balluku tregoi për mediat se çfarë do të ndodhë me banorët e Paskuqanit që u rrezikohen banesat nga projekti i unazës së madhe.
Para Kryeministrisë, ministrja kërkoi të mos i hidhej benzinë zjarrit, pasi sipas saj banorët do të dëmshpërblehen, ndërsa u justifikua duke thënë se ka qenë projekt i vitit ’86, dhe banorët nuk duhet të ndërtonin aty.
“E para fjala devijim se kuptova nga doli, se kur e bëni pyetjen, e parashtroni në mënyrë të padrejtë, se flitet për shtëpitë e tyre. Mos e ndërtoni fjalinë gabim. Nuk ka devijim të projektit pasi është i vitit 86. Të gjithë banorët nuk kanë ndonjë kontakt të veçantë. Banorët kanë pyetje dhe do marrin përgjigje nga akti ligjor. Kjo është qeveria që ka ndërtuar shtëpi për ata që mbetën pa shtëpi nga tërmeti. Askush s’do të rri në rruge. Edhe ata që kanë shtëpi pa legalizim do të rregullohen. Te gjithë banorët e dinë qe aty do kalonte projekti. Qeveria do marrë masat dhe askush s’do ngelet pa banesë”, u shpreh Balluku.
Discussion about this post