Një skenë krimi mund të konsiderohet lagjja “5 Maji” ku fadromat e IKMT shkatërruan shtëpitë e banorëve. Disa prej banorëve të cilat preken nga aksioni i IKMT e kanë kaluar jashtë mbrëmjen e djeshme.
Ata thonë se nuk do të largohen derisa të marrin banesë me të drejta të plota pronësie dhe refuzojnë të futen në banesa sociale.
“Jashtë kemi fjetur. Se ku i kanë gjetur nuk e di. Mos të marr çantën time apo teshat personale të mia. Unë do protestoj prapë. Unë nuk dal pa më gjetur strehim të vërtetë. Nuk dua banesë sociale. Unë dua shtëpinë time me legalizime me të gjitha. Unë në pallat social nuk hyj. Dua shtëpinë time me letra dhe vulë. Më kanë nxjerrë zvarrë. Unë nuk shkoj derë më derë. Erion Veliaj në qoftë se ka grua, nënë e fëmijë, a e di se duhet larë gruaja. Unë nuk di se ku i kam rrobat e mia. I kanë vënë në makinë dhe akoma se di ku janë. Shkuan i kërkuan, por nuk kanë gjetur gjë. Nuk kam kërkuar as lesh as qime, por kam kërkuar rrobat e mia”, tha një prej banorëve.
Ditën e djeshme IKMT shembi tre shtëpi në zonën e “5 Majit” pavarësisht qëndresës së fortë të banorëve për të mos i lejuar.
Discussion about this post