Protestës së banorëve të 5 Majit, ku po shemben sot 3 banesa nga IKMT iu është bashkuar dhe deputetja e PD-së Dhurata Çupi.
Deputetja u shpreh se në zgjedhje banorëve u është premtuar legalizimi, dhe më pas ka ardhur shkatërrimi dhe prishja. Sipas saj, shembjet dhe nxjerrja në rrugë e qytetarëve ka qenë një politikë e kryeministrit Rama, prej ditës kur ka ardhur në krye të qeverisë.
“Këta banorë sot janë nxjerrë në rrugë të madhe, ku do të qëndrojnë sot në darkë? Sa mbarojnë zgjedhjet Edi Rama nis shkatërrimin, është një rast i pastër abuzimi pasi banesat po shemben për të ndërtuar pallate. Kjo është një gjendje e padurueshme, ne jemi në krahë të qytetarëve, dhe do t’i ndihmojnë edhe në të gjitha procedurat ligjore, këta banorë nuk kanë ku të strehohen. Banesat nuk janë legalizuar qëllimisht”, shpreh Çupi.
Gjatë ditës së sotme është parashikuar shembja e 3 banesave, dhe më pas procesi do të vijojë edhe me godina të tjera në ditët në vijim.
Discussion about this post