Presidenti Bajram Begaj, përmes një postimi në rrjetet sociale, ka përkujtuar dëshmorin e Atdheut, komisar Gani Galushin.
Begaj shprehet se Malushi do të nderohet gjithmonë si shembull frymëzimi për Policinë e Shtetit.
Gani Malushi u ekzekutua me breshëri armësh paraditen e 6 gushtit 2003.
Malushi mbante funksionin e shefit të komisariatit të Fushë Krujës, ndërsa më parë kishte drejtuar komisariatin e Tropojës.
Në atë kohë, por edhe më vonë ky krim u mbyll me një të dënuar dhe me motivin se Malushi ishte “shenjestra e gabuar”, pasi autori tashmë i dënuar dhe me emrin Agim Pepa kishte për qëllim vrasjen për hakmarrje të shoferit të Malushit.
Postimi i Begaj
Dëshmori i Atdheut, Komisar Gani Malushi do të nderohet gjithmonë si shembull frymëzimi për Policinë e Shtetit.
Do të kujtohet me respekt për luftën pa kompromis me bandat e krimin. Profesionistë si ai lartësojnë figurën e Policisë së Shtetit dhe rrisin besimin tek ajo.
Discussion about this post