45-vjeçari Kastriot Elezi, që mbeti i plagosur këtë pasdite në zonën e “Don Boskos” në kryeqytet, mësohet se është person me precedent të mëparshëm penal.
Elezi ka vuajtur një dënim me heqje lirie në Itali, për veprën penale të prostitucionit. Nga të shtënat me armë, mbeti i plagosur dhe 22-vjeçari Ronaldo Metushi, pasi mori një plumb në këmbë. Metishi, që shihet në foto duket se është qëlluar krejt rastësisht.
Pasi qëlloi me kallashnikov drejt Elezit dhe Metushit, autori, i maskuar me kapele, është larguar nga vendngjarja. Ndërkohë, pak minuta më vonë, është gjetur në Qerekë një makinë, që dyshohet se u përdor nga autorët.
Njoftimi i Policisë:
Në një njoftim paraprak për ngjarjen, policia e Tiranës konfirmoi se të lënduarit ndodhen spital për të marrë ndihmë mjekësore.
“Në Don Bosko, në afërsi të OSHEE, janë plagosur me armë zjarri shtetasit K. E., 45 vjeç, dhe R. M., 22 vjeç, të cilët ndodhen në spital, në kujdesin e mjekëve”, njoftoi policia.
“Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorëve të dyshuar”, shtuan të njëjtat burime, pa dhënë të tjera detaje rreth dinamikes së ngjarjes.
Drejtori i Policisë:
Drejtori i Policisë së Shtetit, Tonin Vocaj, u shpreh se ngjarja është kapur nga kamerat e sigurisë, pamjet e të cilave do të mblidhen nga policia.
Sipas Vocajt, Elezi dhe Metushi kanë lidhje shoqërore me njëri-tjetrin dhe në momentin e ngjarjes, ndodheshin në të njëjtën tavolinë, duke konsumuar kafe.
gijotina.com/
Discussion about this post