Shënoi golin e fitores për Rubin Kazan në Rusi, Mirlind Daku shpallet ‘Lojtari i ndeshjes’

Gol, fitore dhe lojtari më i mirë i ndeshjes. Mirlind Daku shijoi një fundjavë pozitive në Rusi.

Sulmuesi i kombëtares shqiptare, i dhuroi fitoren 0-1 Rubin Kazanit në transfertë ndaj Baltikas.

25-vjeçari nga Gjilani mori një top të gjatë nga mbrojtja në minutën e shtatë, e kontrolloi mirë mes dy mbrojtësve kundërshtarë dhe e dërgoi në rrjetë duke i dhuruar Rubinit tri pikët që e pozicionojnë në vendin e shtatë.

Ky ishte goli i katërt sezonal në kampionit rus për golashënuesin më të mirë të skuadrës nga Kazani.

Goli dhe performanca shumë e mirë gjatë ndeshjes, ndikuan që Daku të shpallej më i miri i ndeshjes.