Pesë asiste dhe një gol brenda 33 minutave, ky është rekordi i yllit argjentinas Lionel Mesi gjatë fitores së Inter Majemit (6-2) kundër Nju Jork Red Bulls, në MLS.
Asisti i tij i parë erdhi në minutën e 48’ dhe në të 50-ën ai shënoi golin e tij personal. Më pas argjentinasi dhuroi edhe 4 asiste të tjera perfekte.
Ish-dyshja e FC Barcelonës pati një ditë mahnitëse në fushë, pasi Luis Suarez shënoi tre here, në më pak se 15 minuta, nga e 68-ta në të 81-ën, çdo herë në një shërbim të Mesit.
Kjo performancë statistikore, e padëgjuar në MLS, i lejon argjentinasit të rrisë numrin e golave në 10 dhe asistimet e tij në 12, në tetë ndeshje të luajtura. Falë këtij suksesi, Inter Majemi ruan kryesimin në Konferencën Lindore, me 24 pikë në 12 ndeshje.
Discussion about this post