Sherr i frikshëm në Korçë, shoku godet me sëpatë 46-vjeçarin

Një sherr me mjete të mprehta ka ndodhur mbrëmjen e sotme në Korçë. Ngjarja ka ndodhur në lagjen nr. 13, rruga “1 Maji”.

Sipas policisë, personi i identifikuar me iniciale E. B., gjatë konfliktit dyshohet se ka dëmtuar me mjet të fortë në trup (sëpatë) personin e identifikuar Sokol Duro rreth 46 vjeç, i cili aktualisht ndodhet në Spitalin e Korçës nën kujdesin e mjekëve dhe është jashtë rrezikut për jetën pasi ka vetëm thyerje të këmbës pasi e ka goditur autori me pjesën e pasme të sëpatës.

Gjithashtu, bëhet me dije se konflikti dyshohet të ketë lindur për një femër, dhe se autori dhe i plagosuri janë pjesë e komunitetit egjiptian.

Menjëherë pas ngjarjes, autori është larguar dhe nga ana e Policisë janë ngritur pika kontrolli me qëllim kapjen e tij. Nuk dihen ende motivet e kësaj ngjarjeje të rëndë pritet të zbardhen detaje pas marrjes në pyetje të dëshmitarëve të këtij sherri.

Grupi hetimor po punon për sqarimin e rrethanave të ngjarjes.