Sherr i llojit “Tajson-Hollifilld” mes shqiptarëve

Një qytezë në Itali është tmerruar nga episodi i radhës i shëmtuar me protagonistë emigrantët shqiptarë.

Një sherr i ndodhur mbrëmë mes tyre në San Bonico ka degjeneruar dhe një burrë ka përfunduar në spital me vesh të copëtuar. (Na kujton shumë duelin e boksit mes Tajson dhe Hollifilld kur ky i fundit përfundoi me vesh të prerë për shkak të kafshimit nga kundërshtari i tij)

Për arsye që ende nuk dihen, dy shqiptarë kanë pasur një mosmarrëveshje që ka degjeneruar në dhunë. Në këto momente njërit prej dy personave që i është prerë veshi.

I plagosuri është transportuar në spital nga ekipet e shpëtimit dhe gjendja e tij është e qëndrueshme. Policia e alarmuar nga qytetarët ka ndërhyrë në vend dhe personi tjetër është arrestuar. Hetimet vijojnë të hedhin dritë mbi rrethanat e historisë.