Gjatë një sherri masiv me thika të ndodhur në Genova, ka mbetur i plagosur një 20-vjeçar shqiptar. I riu ka marrë një plagë në gjoks dhe u dërgua menjëherë në repartin e reanimacionit në spitalin San Martino ku edhe u intubua.
Aktualisht gjendja e tij i është përmirësuar dhe i janë hequr tubat. Raportohet se i riu shqiptar është në gjendje arresti.
Dinamika e ngjarjes ende nuk dihet, por duket se ka qenë sherr për larje hesapesh me pjesëmarrjen e rreth 15 të rinjve në terminalin e trageteve në Genova.
Policia arrestoi në vendngjarje pesë shqiptarë të tjerë. Autoritetet po shohin filmimet e kamerave të sigurisë në zonë për zbardhjen e plotë të ngjarjes dhe identifikimin e të gjithë pjesëmarrësve.
Discussion about this post