Mbi 20 të rinj shqiptarë janë përfshirë në një sherr masiv në Itali. Ngjarja ka ndodhur në qendrën e pritjes Passo dell’Acquidotto, në lagjen Castelletto të Xhenovas mesnatën e shkuar. Bëhet me dije se si pasojë e përleshjes, 7 fëmijë kanë mbetur të plagosur. Policia ka identifikuar 10 prej tyre dhe ka nisur hetimin. Nuk dihen ende shkaqet e ngjarjes po bëhet me dije se një grup shqiptarësh dhe një egjiptian janë përleshur me rripa, fikse zjarri dhe hekura.
Në përleshje janë përfshirë të paktën 20 të rinj. Disa banorë të cilët dëgjuan britmat dhe zhurmat kanë lajmëruar policinë, më pas sapo karabinier mbërritën në vendngjarje arrestuan disa prej tyre, ndërsa të plagosurit janë dërguar në spital, por nuk dihet gjendja e tyre shëndetësore. Një pjesë e godinës u evakuua pasi u pushtua nga pluhuri i aparateve të zjarrit që përdornin djemtë për t’u përballur me njëri-tjetrin. Gjatë përleshjes të rinjtë kanë thyer xhami dhe kanë goditur me shkelma mobilet dhe dyert. Policia vazhdon hetimet për të arrestuar të rinjtë që janë shpallur në kërkim.
Discussion about this post