Sherr masiv në një lokal në Gjilan, reagon policia

Mbrëmë në një lokal në Gjilan ka ndodhur një sherr masiv mes disa personave si pasojë e një mosmarrëveshje mes palëve të përfshira.

Zëdhënësi i Policisë Rajonale të Gjilanit, Ismet Hashani, tha se të dyshuarit janë intervistuar ndërsa rasti është proceduar në mënyrë të rregullt.

“Po ka pas një sherr mes disa personave në një lokal pas një mosmarrëveshje që kanë pasur mes tyre, të dyshimtit janë intervistuar në prani të avokatit mbrojtës, me vendim të prokurorit të shtetit. Rasti po procedohet në procedurë të rregullt në gjykatë”, tha Hashani.

Ende nuk dihet nëse ka pasur persona të lënduar, apo nëse ndonjëri nga të përfshirët në sherr ka përfunduar në spital.