Një sherr masiv midis disa personash ka ndodhur gjatë orëve të para të mëngjesit në kryeqytet. Sipas bluve të Tiranës, ngjarja ka ndodhur në rrugën “Frederik Shiroka”, ndërsa gjatë konfliktit janë plagosur me sende të forta shtetasit M.B, 26 vjeç dhe E.A, 32 vjeç. Të dy të plagosurit janë dërguar në spital për ndihmë mjekësore më të specializuar. Ndërkaq, vijojnë hetimet për zbardhjen e plotë të ngjarjes dhe identifikimin e personave të përfshirë në sherr.
“Më datë 03.07.2022, në orët e para të mëngjesit, në rrugën “Frederik Shiroka”, janë konfliktuar me sende të forta disa shtetas.
Si pasojë e konfliktit janë dëmtuar shtetasit M. B., 26 vjeç, dhe E. A., 32 vjeç, të cilët janë dërguar në spital për ndihmë mjekësore.
Shtetasi E. A. pasi ka marrë ndihmën mjekësore është larguar nga spitali, ndërsa shtetasi M. B., ndodhet nën kujdesin e mjekëve.”-njofton policia.
Discussion about this post