Sherr me pistoleta mes të rinjve në Tiranë

Një sherr mes të rinjve ka ndodhur në orët e para të mëngjesit të sotëm pranë një lokali pranë spitalit “Nënë Tereza” në Tiranë.

Ngjarja ka ndodhur rreth orës 03:00 të mëngjesit. Një nga të rinjtë ka qëlluar me pistoletë në ajër. Për pasojë, është dëmtuar në këmbë një nga personat e përfshirë në sherr. Shkak për konfliktin dyshohet se ka qenë ngacmimi i një vajze.

Policia ka shkuar drejt vendit të ngjarjes. Personat e përfshirë në konflikt, që besohet se janë pjesë e dy grupeve, janë shoqëruar në komisariat.

Efektivët po ashtu kanë sekuestruar edhe armën e zjarrit, me të cilën është qëlluar në ajër.