Një 33-vjeçar është arrestuar nga policia e Ballshit këtë të shtunë, pasi kundërshtoi punonjësit e policisë të cilët po i vendosnin një gjobë të vëllait të tij.
Policia bën me dije se i vëllai i 33-vjeçarit u ndëshkua me masë administrative për një shkelje të sinjalistikës rrugore.
Ndërkohë që 33-vjeçari u përpoq të pengonte efektivët e policisë të vendosinin gjobën, duke bërë që ai të arrestohej dhe të shoqërohej në komisariat.
“Specialistët për Hetimin e Krimeve të Komisariatit të Policisë Mallakastër arrestuan në flagrancë shtetasin D. Z., 33 vjeç, banues në Ballsh, pasi ka kundërshtuar dhe ka tentuar të pengojë punonjësit e Patrullës së Përgjithshme të Komisariatit të Policisë Mallakastër, të cilët, në përmbushje të detyrave funksionale, ishin duke ndëshkuar me masë administrative vëllain e 33-vjeçarit, për shkelje të sinjalistikës rrugore”, thuhet në njotimin e policisë.
Discussion about this post