Sherr me thika mes të rinjve në Shkozë, një i vdekur

Një sherr me thika ka ndodhur mes të rinjve në Shkozë, në Tiranë.

Një 18 vjeçar ka mbetur i plagosur rëndë dhe ka humbur jetën gjatë transportimit në spital.

Tiranë/Informacion paraprak

Më datë 31.03.2024, rreth orës 21:50, tek rrethi i Shkozës, si pasojë e një konflikti të çastit mes disa shtetasve që lëviznin me dy automjete, (të cilët më pas janë konfliktuar fizikisht me mjete prerëse), është goditur me mjet prerës shtetasi A. D., 18 vjeç.

Si pasojë e dëmtimeve të marra ky shtetas ka ndërruar jetë rrugës për në spital.

Grupi hetimor po punon për kapjen e autorëve të dyshuar dhe sqarimin e rrethanave të ngjarjes.