Një person është plagosur me thikë të Shtunën në qytetin e Durrësit.
Burime bëjnë me dije se ngjarja ka ndodhur në stacionin e trenit pas një konflikti të çastit mes 2 personave.
“Rreth orës 16;30, në vendin e quajtur ‘Stacioni i trenit’, në lagjen nr. 4 Durrës, dyshohet se gjatë një konflikti për motive të dobëta, midis shtetasit G. Gj., 38 vjeç dhe shtetasit A. L., 51 vjeç, është plagosur me mjet prerës (thikë), 38-vjeçari, i cili ndodhet në spital, nën kujdesin e mjekëve”, njoftoi policia.
Menjëherë, shërbimet e Policisë kanë mbërritur në vendngjarje dhe kanë shoqëruar në Komisariat, për veprime të mëtejshme, shtetasin A. L., ndërsa vijon puna për dokumentimin e plotë të kësaj ngjarjeje, shtojnë të njëjtat burime.
Discussion about this post