Sherr me thika në Tiranë, përfundon në spital 15-vjeçari

Policia e Tiranës ka njoftuar për një ngjarje të rëndë të ndodhur ditën e sotme, në rrugën “Bedri Karapici”.

Sipas Policisë, janë konfliktuar dy të mitur të moshës 15 dhe 16 vjeç, dhe si pasojë është dëmtuar me mjet prerës 15-vjeçari, i cili ndodhet në spital.

Tiranë/Informacion paraprak

Më datë 07.12.2023, në rrugën “Bedri Karapici”, janë konfliktuar dy të mitur të moshës 15 dhe 16 vjeç, dhe si pasojë është dëmtuar me mjet prerës 15-vjeçari, i cili ndodhet në spital, jashtë rrezikut për jetën.

16-vjeçari është shoqëruar në komisariat së bashku me prindërit.

Grupi hetimor po punon për sqarimin e rrethanave të konfliktit.