Policia e Tiranës njoftoi sot se pas një konflikti fizik dhe më pas edhe me thika mes dy adoleshentëve 16-vjeçarë, njëri prej tyre ka mbetur i plagosur dhe është dërguar menjëherë në spital.
Ndërkohë është arrestuar 16-vjeçari tjetër që ka plagosur bashkëmoshatarin.
Njoftimi i Policisë:
Specialistët për Hetimin e Krimeve të Komisariatit të Policisë Nr. 3 arrestuan një shtetas 16 vjeç, si dhe nisi procedimi penal për një bashkëmoshatar të tij, pasi ditën e djeshme, janë konfliktuar fizikisht dhe me mjete të mprehta me njëri-tjetrin. Si pasojë, është dëmtuar njëri prej tyre, i cili ndodhet në spital, në kujdesin e mjekëve.
Discussion about this post