Sherr me thika në Vlorë, tre persona përfundojnë në spital

Një konflikt për motive të dobëta mes disa personave në lagjen “Pavarësia”, në Vlorë ka përfunduar me tre të plagosur.

Sipas policisë, në konflikt janë përfshirë pesë persona, 20-vjeçari me iniciale Xh. B., 21-vjeçari me inicialet F. B., 23-vjeçari me inicialet A. I., 27-vjeçari me inicialet N. Xh., dhe 22-vjeçari me inicialet M. Xh., banues në Vlorë.

Si pasojë e sherrit, në spital kanë përfunduar tre persona A. I., N. Xh., dhe M. Xh., të cilët nën kujdesin e mjekëve.

Grupi hetimor ndodhet në vendngjarje dhe po punon për përcaktimin e rrethanave të ngjarjes.