Sherr mes dy të miturve në një shkollë 9-vjeçari në Tiranë, njëri përfundon në spital

Dy nxënës shkolle, të moshave 12 vjeç, janë konfliktuar më njëri tjetrin në Tiranë.

Për pasojë njëri prej tyre ka përfunduar në spital, jashtë rrezikut për jetën.

Ngjarja ka ndodhur rreth orës 11:30 në ambientet e një shkolle 9-vjeçareje në rrugën “Dalip Topi”.

“Rreth orës 11:30, në rrugën ‘Dalip Topi’, në ambientet e një shkolle 9-vjeçare, janë konfliktuar dy të mitur të moshës 12 vjeç. Si pasojë është dëmtuar njëri prej tyre i cili ndodhet në spital, jashtë rrezikut për jetën”, thuhet në njoftimin e policisë.