Futbollistët e Hajdukut të Splitit kanë mposhtur Istrën me rezultat 2:0 në një ndeshje të shënuar me incidente. Pas përfundimit të ndeshjes, ka pasur një përleshje të madhe mes tifozëve të skuadrës mike, “Torcida”, me pjesëtarë të sigurimit dhe rojeve në stadiumin e Istrias.
Policia ka arritur të qetësojë situatën dhe të parandalojë një incident më të rëndë, ndërsa në fushë. loja ka qenë “nxehtë” gjatë ndeshjes. Interesant ka qenë dueli mes futbollistëve serbë dhe shqiptarë, Mladen Devetak dhe Emir Sahiti, shqiptar që luan për përfaqësuesen e Kosovës.
Në minutën e 27-të të lojës ka pasur një konflikt mes të dyve dhe shumë shpejt janë përfshirë edhe bashkëlojtarët. Më energjikët ishin Ante Erceg dhe Marko Livaja, kapiteni i Hajdukut . Të dy u përplasën me njëri-tjetrin dhe gjithçka përfundoi me një karton të verdhë për Livajan.
Discussion about this post