EMRAT/ Sherr mes shoferëve të kamionëve në Kapshticë, njëri goditet me thikë

Dy shofera kamionësh nga Tirana janë përfshirë në konflikt me njëri-tjetrin në doganën e Kapshticës.

Njëri prej shoferëve, përkatësisht Artur Arapaj, ka qëlluar me thikë në bark Julian Todhe, ndërsa i dëmtuari po transportohet drejt spitalit të Korçës.

I dëmtuari po transportohet drejt spitalit të Korçës, ndërsa autori u shoqërua në komisariat.

Mësohet se shkak i konfliktit që përfundoi në plagosje me thikë ishte rradha për në skaner.

Policia ndodhet në vendngjarje për zbardhjen e plotë të këtij rasti.

“Plagosi me mjet prerës (thikë) një shtetas, gjatë një konflikti të çastit, shoqërohet në Polici, autori i dyshuar i ngjarjes.

Sot rreth orës 15:15, në Pikën e Kalimit Kufitar Kapshticë, gjatë një konflikti të çastit shtetasi A. A., 51 vjeç, banues në Tiranë, dyshohet se ka plagosur me mjet prerës (thikë) shtetasin J. T., 35 vjeç, banues në Tiranë, i cili u dërgua për mjekim në spitalin e Korçës. Nga të dhënat paraprake, rezulton se shtetasit janë konfliktuar për radhën e procesit të skanimit, të mjeteve që drejtonin.

Autori i dyshuar i ngjarjes ndodhet i shoqëruar në Komisariat për veprime të mëtejshme. Në cilësinë e provës materiale u sekuestrua thika e përdorur.

Grupi hetimor po punon për sqarimin e rrethanave të ngjarjes”, njofton policia.