Një sherr mes shqiptarëve është shënuar mbrëmë në Kala Nera të Greqisë. Për pasojë një 43-vjeçar ka mbetur i plagosur. Pasi është goditur me thikë në bark. Autori ishte një bashkatdhetar rreth 35 vjeç.
Policia po kryen hetimet për identifikimin dhe kapjen e autorit. I cili pas ngjarjes është larguar nga zona me një makinë gri për të shmangur arrestimin.
Lexo edhe: Kapet vrasësi shqiptar në Kakavijë, tentoi të arratisej në Greqi
Protothema shkruan se dy shqiptarët janë komshinj me njëri-tjetrin.
Sherri mes shqiptarëve ka shpërthyer dje jashtë lagjes dhe sipas informacioneve, shkak i mosmarrëveshjes është bërë një magazinë, të cilën viktima dhe autori e kanë bashkërisht.
Bashkëshortja e të plagosurit, në gjendje paniku, e ka dërguar vetë të plagosurin në spitalin e Volos , me makinën e saj.
Policia është njoftuar për ngjarjen nga Spitali i Volos dhe ka shkuar menjëherë në Achillopoulio për të mësuar nga pacienti dhe bashkëshortja e tij se çfarë ka ndodhur saktësisht.
Discussion about this post