Një sherr masiv ndërmjet një grupi shqiptarësh ka ndodhur dje pasdite në Lanciano të provincës së Follani në Itali.
Sipas mediave vendase, sherri ka nisur për motive të dobëta ndërmjet dy grupeve shqiptare ku si pasojë e përdorimit të armës dy persona janë plagosur ku njëro ndodhet në gjendje të rëndë dhe 4 janë arrestuar.
Në pranga përfunduan Altin Pojana, 39 vjeç, i cili qëlloi, Florenc Kurti, 25 vjeç, Behar Gjoka, 22 vjeç, dhe Amarildo Ferko, 23 vjeç. Në këto orë po vendoset se në cilat burgje do të duhet të mbahen, duke pasur parasysh dispozitat e rrepta anti-Covid. Ata akuzohen për bashkëpunim në vrasje në tentativë, dëmtime të rënda personale dhe armëmbajtje pa leje. Sherri ka nisur pranë një lokali në qendër të Lanciano ku ka pasur disa ngacmime ndërmjet dy personave, më pas ata janë takuar në një zonë industriale për tu sqaruar se çfarë kishte ndodhur dhe pas agravimit të situatës u përdor një pistoletë dhe shkopinj. Ende nuk dihen arsyet e këtij sherri.
Discussion about this post