Sherr mes shqiptarëve në stadium, njëri prej tyre sulmon me drapër

Një përleshje, e cila për pak sa nuk përfundoi në tragjedi ka ndodhur pasditen e së shtunës.

Gjithçka ka ndodhur kur tre persona nga Shqipëria (njëri prej tyre kishte me vete fëmijët) kanë shkuar në stadium për të ndjekur një ndeshje futbolli të Kategorisë së Dytë të Kampionatit Vendor.

Sipas informacioneve të protothema.gr, ngjarja na ndodhur në parkingun e Stadiumit Komunal Galataki të Korinthisë.

Teksa arritën në parkingun e stadiumit, një tjetër spektator, po ashtu me origjinë shqiptare, iu afrua dhe i paprovokuar filloi të shante, dhe më pas sulmoi dy nga tre personat dhe t’i godiste me duar.

Por sulmi nuk u ndal me kaq. Sulmuesi më pas ka marrë një drapër nga një automjet i parkuar dhe i ka sulmuar sërish duke i plagosur lehtë. 

Më në fund, me ndërhyrjen e tifozëve të tjerë, autori është larguar.

Siç rezultoi nga hetimi i EL.AS, bëhet fjalë për një 64-vjeçar, i cili pas kontrolleve u gjet dhe u arrestua.