Ka nisur festa në Bulevardin “Dëshmorët e Kombit”, në Tiranë. Tifozë të shumtë janë mbledhur në Bulevard për të festuar, në pritje të sfidës historike të kuqezinjve me Poloninë, që do të nisë në orën 20:45, në stadiumin “Air Albania”.
Në prag të ndeshjes ndaj Polonisë, ultrasit e Prishtinës të ardhur nga Kosova janë përplasur me ata polakë përballë tyre, në mes të Bulevardit.
Tifozët kanë hedhur edhe shashka e kapsolla në rrugë, megjithatë sherri ka zgjatur pak pasi policia ka ndërhyrë në kohë duke shpërndarë tifozët.
