Një sherr ka agravuar në përplasje fizike në koncertin e Noizyt. Por pavarësisht këtij fakti, në videot që qarkullojnë në rrjet, Noizy nuk ndalon performancën dhe vazhdon të këndojë sikur të mos ketë ndodhur asgjë. Në video, gjithashtu shihet sesi bodygardët tentojnë të nxjerrin jashtë grupin e djemve që po zihen. Nuk dihet se kush janë personat e përfshirë në sherr apo nëse ka ndonjë të ndaluar nga forcat blu.
Kujtojmë që pak kohë më parë Noizy u përfshi në një sherr me ish-anëtarin e TBA-së, Kleviol Ahmeti i njohur ndryshe si “Cllevio Serbiano”. Sherri kishte si shkak sulmet e Cllevios ndaj reperit Noizy.
Anetari i TBA-së, Cllevio provokoi Noizyn duke i shkuar tek lokali në Durrës ku situata agravoi në përleshje.
Discussion about this post