Një sherr midis disa personave ka ndodhur pasditen e sotme në Korçë, në zonën e quajtur “Dritat e Verdha”, ku si pasojë është plagosur një person.
Sipas informacioneve të policisë, gjatë një konflikti të çastit midis disa shtetasve, është dëmtuar me mjete të forta shtetasi E. Sh., ndërsa nga spitali rajonal i Korçës mësohet se i dëmtuari ka marrë fraktura serioze por ngelet jashtë rrezikut për jetën.
Shtetasit e tjerë të përfshirë në këtë konflikt, aktualisht ndodhen të shoqëruar në ambientet e Komisariatit të Policisë Korçë, për veprime të mëtejshme.
Ende nuk dihen shkaqet e kësaj ngjarjeje, por policia ndodhet në vendngjarje për zbardhjen dhe për të zbuluar dinamikën e konfliktit.
