Sherr në një lokal gjatë festimeve për Krishtlindje, plagoset me thikë shqiptari në Itali

Një sherr ka ndodhur në një klub nate në Itali, ku për arsye që nuk dihen ende një i riu shqiptar është plagosur me thikë.

Sipas mediave italiane sherri ka ndodhur rreth orës 03:00 të mëngjesit të ditës së sotme (26 dhjetor), ku teksa po pinte një cigare, dy persona i janë afruar të riut shqiptar, me njërin prej tyre që e godet me thikë.

I riu u transportua menjëherë në spital dhe ndodhet jashtë rrezikut për jetën pasi plaga, sipas vlerësimit të mjekëve, ishte sipërfaqësore.

Ka nisur puna për zbardhjen e rrethanave të kësaj ngjarjeje.