Sherr në një lokal në Korçë, goditet me gotë oficeri i Krimeve

Pas një konflikti në një lokal, një oficer i sektorit të krimit ekonomik në policinë e Korçës ka mbetur i plagosur.

Sipas burimeve, mësohet se ngjarja ka ndodhur në lagjen 15 të qytetit. Nuk dihet ende nëse ka lidhje me detyrën e oficerit të policisë, por sipas deklarimeve dyshohet që mund të jetë edhe një konflikt i çastit.

Personi që ka goditur punonjësin e policisë është shoqëruar në komisariatin e Korçës.

Gjatë konfliktit fillimisht verbal, autori e ka qëlluar me një gotë në fytyrë oficerin duke i shkaktuar dëmtime të lehta.

Sipas informacioneve, oficeri ka qenë jashtë shërbimit në kohën që është regjistruar ngjarja.

Ai ishte ulur në një lokal dhe po konsumonte kafe. Më tej, nga deklaratat paraprake, dyshohet se autori i cili dyshohet se ka qenë i dehur ka shkuar dhe e ka goditur menjëherë oficerin.

Policia po heton për zbardhjen e plotë të rrethanave.

gijotina.com/