Katër persona kanë goditur me sende të forta dhe kanë dhunuar fizikisht një 22-vjeçar në Pogradec. Raportohet se ngjarja ka ndodhur mbrëmjen e së shtunës në afërsi të një karburanti në fshatin Podgorie, përgjatë aksit rrugor Pogradec-Blacë. Arsyet e sherrit nuk janë bërë ende të ditura.
22-vjeçari i dhunuar nga katër të tjerët është dërguar në spital, ku po merr ndihmë mjekësore, ndërsa për katër autorët të identifikuar si B. S., 30 vjeç; M. Xh., 28 vjeç; E. Xh., 29 vjeç dhe Dh. B., 26 vjeç, policia e Pogradecit ka nisur procedim penal për veprën penale “Plagosja e lehtë me dashje kryer në bashkëpunim”, ndërsa po punon për kapjen e tyre.
Discussion about this post