Sherr për pronën, 42-vjeçari godet me sende të forta 54-vjeçaren

Sherri për pronën ka agravuar në përplasje fizike në fshatin Zenisht të Matit. Mësohet se 42-vjeçari me iniciale D.Xh, ka goditur me sende të forta një 54-vjeçare, me iniciale N.Sh. Bëhet me dije se pas konfliktit 42-vjeçari ka rënë në pranga. 54-vjeçarja ndodhet në spital jashtë rrezikut për jetën.

“Specialistët për Hetimin e Krimit arrestuan në flagrancë shtetasin D. Xh., 42 vjeç, banues në fshatin Zenisht, pasi për motive pronësie, ka goditur me sende të forta, duke i shkaktuar dëmtime në trup, shtetasen N. Sh., 54 vjeçe, e cila ndodhet në spital, jashtë rrezikut për jetën,”- njofton Policia.