Vigjilja e Krishtlindjeve për pak sa nuk u shndërrua në tragjedi për një shqiptar në Itali, i plagosur me thikë pas një sherri të dhunshëm. Gjithçka ndodhi në darkën e Krishtlindjeve, në një barakë në Vigonza, ku banon një çift shqiptarësh. Këta po darkonin me dy miqtë e tyre, por papritur mes tyre nisi një sherr për motive banale. E gjitha për shkak të abuzimit me pijet alkoolike.
Mikpritësi, një 56-vjeçar shqiptar ka marrë thikën e kuzhinës dhe kërcënoi me thikë bashkëatdhetarin e tij, 54 vjeç, duke e goditur më pas me thikë në qafë disa herë. Mirëpo, edhe pse i plagosur, shqiptari tjetër u largua me vrap në rrugë për t’i shpëtuar agresorit.
Menjëherë për të erdhi ndihma e parë, e aktualisht ai ndodhet në spital, por në gjendje të mirë. Gruaja e të plagosurit, e tronditur nga skena e dhunës, ra pa ndenja në tokë por gjithashtu s’ka asnjë rrezik për shëndetin e saj.
Ndërkohë që, 56-vjeçari pasi i doli pija, dëshmoi në polici se sherri kishte ndodhur për shkaqe të kota, me shumë gjasa të lidhura me xhelozitë e vjetra, duke shtuar se nuk mbante mend asgjë.
Discussion about this post