“Big Brother VIP” përfundoi, po Meridiani nuk ka qenë më opinionist as në “Për’puthen”. Megjithatë, temat e nxehta të këtyre dy emisioneve, më saktë “sherret”, vazhdojnë të tërheqin vëmendjen e publikut. Meridian ka folur gjatë një interviste televizive për sherrin që ka pasur me Arjan Konomin. Ai tha se kanë marrë njerëz të Arjanit në telefon dhe i kanë kërkuar që të mos vazhdojë më me postime, ndërsa shprehet se statuset nuk i ka bërë me qëllim që të ofendoj ndokënd.
“Unë vlerësoj shumë fjalët e njerëzve nga goja kur dalin, iu jap peshë. Unë kurrë nuk atakoj njeri. Në asnjë rast nuk jam mundur të atakoj dikë ose të ofendoj dikë. Ama në momentin që dikush të cenon atë kornizën e kuadratit tim që kam, imazhit tim, karakterit tim që unë mezi e kam krijuar në fakt. Aty bëhem shumë i keq. Kushdo besoj. Nuk ka njeri që do dikë më shumë se veten e tij. Ajo që më ka bërë përshtypje është që sa herë që unë kam qenë opinionist në ‘’Për’puthen’’, te dhoma e grimit gjithçka ka qenë shumë okej. Kanë qenë ato “do flasësh ti se jam i lodhur” dhe nuk e di sa tjetërsohej kur xhirohej puntata.
Ama di dhe këtë që unë nuk kam futur asnjë mik për t’u pajtuar apo për të ndalur statuset e mia. Nuk e kam bërë këtë gjë’. Më kanë marrë njerëz në telefon që të lutem mos vazhdo me statuse dhe unë i kam thënë personit që më ka marrë në telefon, është person shumë i njohur, mikja ime, më gjej një status të cilin unë e kam ofenduar dhe publikisht do t’i kërkoj falje’’, tha Meridiani gjatë intervistës.
Discussion about this post