Në seancën e sotme parlamentare situata degradoi në një sherr të ashpër mes deputetëve demokratë Edmond Spaho dhe Gazment Bardhi. Lidhur me këtë incident të pakëndshëm ka reaguar deputeti Tritan Shehu i cili i quan inskenime të pista të Bardhit.
Postimi i Tritan Shehut
Inskenime të pista, perverse të Gaz Bardhit!
Është vepër anti ligjore, përveçse ndesh dhe me çdo norme morali, transparence, “burrërie”, Të përhapesh aludime e meskinitete për kolegët në publik e media.
Këtë po bën dhe Gazi prej disa ditësh, duke arritur kulmin mbrëmë, kur ngushton rrethin e të “akuzuarve” prej tij në 3-5 deputete, përfshi dhe mua.
Dhe këtë e bën një deputet, ish ministër i drejtësisë, pseudo jurist në fakt ai.
Me këtë rast dëshiroj t’i kujtoj këtij individi, pa as minimumin e personalitetit dhe integritetit se:
Është detyrim ligjor për çdo qytetar, veçanërisht deputet, të denoncojë në organet përkatëse çdo vepër kriminale që di, dhe mos ta përdorë për të hedhur aludime dyshuese, shpifjeje për kolegët.
Në rast se realisht ai di një vepër të tillë, siç deklaron dhe nuk e denoncon, akuzohet për fshehje një krimi, gjë për të cilën duhet thirrur nga organet e drejtësisë e dënuar ligjërisht.
2- Ndërsa në lidhje me përgjegjësitë morale e me gjerë të tij për shpifje, gënjeshtra etj, besoj se nuk ka ndonjë arsye për të humbur kohe duke ja kërkuar.
Ato mund t’i kërkohen vetëm dikujt që ka ndonjë vlerë morale, gjë që siç duket të Gazi mungojnë krejtësisht.
Një akti turpshëm e pervers ky i këtij “burreci”!
Discussion about this post