Policia ka shpallur në kërkim dy djemtë e ish-deputetit Tom Doshi pasi akuzohen se fillimisht kanë rrahur një person në zonën e “ish-Bllokut” dhe më kanë goditur edhe disa efektivë policie duke mos iu bindur urdhrit të tyre.
Në pranga ka përfunduar një person tjetër që ndodhej bashkë me Markos dhe James Doshi në vendin e konfliktit, i cili ka nisur për arsye banale.
Abcneës.al ka mundur të sigurojë dëshminë e personit me të cilin janë konfliktuar djemtë e ish-deputetit Doshi, i cili tha para policëve se sherri nisi nga rrjetet sociale duke degjeneruar më pas në grushte dhe përdorim të sendeve të forta.
Markos dhe James Doshi akuzohen për një mori akuzash si “Goditja për shkak të detyrës”, “Kundërshtimi i punonjësit të Policisë së rendit publik”, “Mosbindja ndaj urdhrit të punonjësit të Policisë së rendit publik” dhe “Prishja e qetësisë publike”.
Discussion about this post