Policia ka dalë me njoftim zyrtar për konfliktin e djeshëm në Kombinat që mund të përfundonte në vrasje. Mësohet se, policia ka arrestuar tre persona për ngjarjen e ndodhur mbrëmë, ku u raportua për një konflikt me armë. Uniformat blu bëjnë të ditur se kanë vënë në pranga: A. Sh., 60 vjeç, E. G., 27 vjeç dhe M. G., 42 vjeç.
Sipas policisë, A. Sh., gjatë një konflikti për motive të dobëta me shtetasin E. G., ka tentuar ta vrasë me armë zjarri. Më pas E. G., së bashku me M. G., kanë goditur A. Sh.
Në cilësinë e provës materiale u sekuestrua një armë zjarri pistoletë, një krehër me municion luftarak, gëzhoja dhe një automjet në pronësi të shtetasit A. Sh.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
Discussion about this post