Sherri me lopata për shezlongët në Shëngjin, kush është 48- vjeçari i arrestuar (EMRI)

Paris Deda është 48- vjeçari që u arrestua ditën e sotme në Lezhë, pasi ishte shpallur në kërkim për një konflikt me motive pronësie.

Mësohet se Deda është arrestuar pasi 1 muaj më parë plagosi Armando Markun pas një sherri për shezlongët në zonën e Shëngjinit.

Mbi të rëndojnë veprat penale “Vrasja me dashje e mbetur në tentativë” si dhe “Vetëgjyqësia”. Ndërkohë që materialet iu referuan Prokurorisë pranë Gjykatës së Rrethit Gjyqësor Lezhë, për veprime të mëtejshme

Në 27 qershor Deda është përfshirë në një konflikt me disa shtetas të tjerë, për motive pronësie. Gjatë konfliktit, 48-vjeçari ka goditur me sende të forta (lopatë) 45-vjeçarin Armando Marku.