Është shoqëruar me debate të ashpra dhe tone të larta dëshmia e kryeministrit Edi Rama në Komisionin Hetimor për Inceneratorët. Ndërkohë që kryetarja Jorida Tabaku i kërkoi atij që të jetë i qetë, Rama replikoi duke ironizuar me deklaratat e Metës “me qetësi dhe dashuri”.
Po ashtu, gjatë dëshmisë Rama ka këmbëngulur që Tabaku t’i kërkonte ndjesë pasi sipas tij e fyeu duke thënë se nuk fliste për çfarë mendonte vetë, por çfarë u thoshin pronarët e inceneratorëve.
Debati:
Edi Rama: Ndjesa juaj pranohet përzemërsisht tani jam në dispozicion të përgjigjem. Jo nuk është e vërtetë ajo që thoni ju ajo që dua të nxjerr nga ky komision është të gjej nga kanë dalë ato 430 milion eurot. Këto 100 milionë eurot janë fantazi e juaja sepse buxheti ka paguar 30.6 milion për Elbasanin, ka paguar 24.7 për Fierin. Tani unë nuk jam shumë i fortë në aritmetikë, por vallahi juve s’jua lë aritmetikën. Bëjnë 55.3 milion këto. Se ku i gjeni ju 430 milion, por këto 100 milion eurot m’i thoni pak tani. Çuditëm pse e bëni 430 milion dhje nuk e bëni 1 miliard.
Jorida Tabaku: Me qetësi! Me qetësi!
Edi Rama: Mund të më jepni një dokument për këtë 430 milion eurot?
Jorida Tabaku: Mund të fokusoheni pak këtu. Baza e pagesës është thesari i buxhetit të shtetit.
Edi Rama: Boll me këtë qetësi me qetësi tani se mu bëtë si Ilir Meta tani. Futi dhe “dashurinë” tani dhe je tamam. Ça është kjo punë tani?
Discussion about this post