Sherri me thika në Tiranë, kush është autori dhe i plagosuri

Një sherr me thika i ndodhur pasditen e sotme në rrugën e “Kavajës” në Tiranë midis dy të rinjve, ka bërë që një 25-vjeçar të përfundojë në spital.

Nuk dihen ende rrethanat që çuan në konflikt, por mësohet se Florian Garo ka goditur me mjet prerës Kristian Priftin.

25-vjeçari është lënduar dhe po trajtohet me ndihmë mjekësore në spital.

“Më datë 06.01.2023, në Rrugën e Kavajës, gjatë një konflikti, shtetasi F. G., dyshohet se ka goditur me mjet prerës shtetasin K. P., 25 vjeç, i cili si pasojë është dëmtuar dhe po merr ndihmën mjekësore në spital”, njofton policia.