Policia ka arrestuar autorin e ngjarjes, vetëm pak orë pas sherrit që i mori jetën Florenc Kovaçit mbrëmjen e sotme në Elbasan.
Shërbimet e Policisë kapën dhe shoqëruan në Polici për veprime të mëtejshme personin, Ardit Hida 24 vjeç, i cili u kap në lagjen “Brigada e 17 Sulmuese”.
Gjithashtu u bë e mundur gjetja dhe sekuestrimi në cilësinë e provës materiale i thikës me të cilën ky shtetas plagosi dy vëllezërit, ku si pasojë e plagëve të marra njëri prej vëllezërve Florenc Kovaçin, rreth 28 vjeç, banues në Elbasan ka ndërruar jetë ndërsa vëllai tjetër Mikel Kovaçin,19 vjeç, ndodhet në spital për ndihmë mjekësore.
Grupi hetimor nën drejtimin e Prokurorisë së Rrethit Gjyqësor Elbasan vijon punën për sqarimin e rrethanave të ngjarjes, identifikimin dhe arrestimin e personave të tjerë të përfshirë në këtë ngjarje.
Discussion about this post