Një ngjarje e rëndë ka ndodhur pasditen e sotme në Sarandë, ku një 22-vjeçare ka goditur me thikë bashkëshortin e saj 28-vjeçar, pas një sherri që kanë pasur në banesë.
Ngjarja ka ndodhur rreth orës 17:30, në lagjen nr.2, në banesën e çiftit. Policia bëri të ditur se shtetasja A. Z., 22 vjeçe, dyshohet se gjatë një konflikti për motive të dobëta, ka goditur me mjet prerës, në zonën e shpatullës, bashkëshortin e saj, shtetasin L. Z., 28 vjeç, i cili aktualisht ndodhet në spital, jashtë rrezikut për jetën.
Ndërkohë shtetasja A. Z., është shoqëruar nga shërbimet e Policisë, në Komisariatin e Sarandës, për veprime të mëtejshme hetimore. Vijon puna e grupit hetimor për sqarimin e plotë të rrethanave të ngjarjes.
Discussion about this post