Gjykata e Shkallës së Parë në Tiranë ka vlerësuar si të ligjshëm arrestimin e përkohshëm me qëllim ekstradimi të muzikantit Rigels Rajku, i njohur si Noizy dhe D.J Crax, të cilët ishin shpallur në kërkim nga policia e Kosovës.
Noizy së bashku me këngëtarin tjetër Arkimed Lushaj dhe D.J. Crax dhe disa persona të tjerë akuzohen se kanë dhunuar shtetasin Medi Iseni gjatë një koncerti të zhvilluar në një lokal nate në Pejë.
Për këtë arsye, gjykata caktoi masën shtrënguese arrest në burg për qëllime ekstradimi për Noizyn dhe DJ Crax të cilët u kapën një ditë më parë në zonën e Lezhës.
Një kopje e këtij vendimi do t’i komunikohet Ministrisë së Drejtësisë, teksa dy muzikantët kanë 5 ditë kohë për ta ankimuar atë.
Discussion about this post