Ditën e sotme është arrestuar autori i plagosjes me thikë në Sarandë. Bëhet fjalë për 43-vjeçarin Genti Golemi, i cili pas një sherri në shëtitoren e Sarandës, goditi me thikë pas shpine 43-vjeçarin Kledi Koka.
Lidhur me ngjarjen bëhet me dije se ky i fundit ndodhet në spital, ku po i nënshtrohet një operacioni, pasi thika i ka prekur mushkërinë. Ndërkohë, mësohet se autori ka qenë peshkatar dhe sherri ka nisur për motive të dobëta.
Nga ana tjetër, gjithashtu mësohet se autori kishte dhe një emër të dytë, Jorgo Golemi, dhe ishte i dënuar më parë në Greqi për trafik droge dhe në Sarandë për prodhim e shitje të lëndëve narkotike, si dhe mbajtje pa leje të municionit luftarak.
Ai ishte kapur në vitin 2006 me 400 gramë marijuanë, kapsolla detonatore dhe fitila zjarrpërcjellës.
Discussion about this post