Sherri nisi për fushatën e PS, administratori i Kallmetit dhe Marku qëlluan 19 herë drejt njeri-tjetrit

Rreth 19 gëzhoja plumbash janë sekuestruar në vendin ku Besnik Simoni dhe Altin Marku qëlluan drejt njeri tjetrit në Kallmet të Lezhës.

Fushatat elektorale të PS, një vit më parë, kanë futur në sherr dhe përplasje fizike dy personat. Altin Marku kishte tentuar të prishte një takim elektoral të PS 1 vit më parë, ku edhe ka nisur përplasja.

Megjithatë Marku dje planifikoi të merrte hakun e këtij sherri të ndodhur një vit më parë.

Ditën e djeshme ai shkoi në zyrën e kreut të njësisë administrative të Kallmetit, Simonit, aty ku nisi konflikti që devijoi deri në përdorimin e armëve. Aktualisht të dyve iu është komunikuar masa e arrestit, ndërsa ndodhen të shtruar te Spitali i Traumës në Tiranë.