Sherri, para se 18-vjeçari t’i ngulte gërshërët në gjoks vëllait!

Për disa rroba ai mori një palë gërshërë dhe vrau vëllain e tij. Nuk bëhet fjalë për një skenar filmi horror, por për një tragjedi familjare krejtësisht reale, e ndodhur mbrëmjen e së martës (26/12) në Greqi, duke shkaktuar tronditje. Sipas transmetimit të mediave fqinje, gjithçka ka ndodhur rreth orës 19.30 të pasdites ndërsa autori 18-vjeçar, viktima 16-vjeçare, nëna e dy vëllezërve, gjyshja dhe vajza ndodheshin në shtëpi në rrugën Stadiou në Nea Smyrni.

Më pas dy fëmijët filluan të debatonin ashpër për rrobat. Të dy nëna dhe gjyshja u përpoqën t’i ndanin por gjërat dolën jashtë kontrollit dhe dy të rinjtë u gjendën në dysheme duke goditur me grushte dhe shkelma.

Sherri është përshkallëzuar dhe më pas 18-vjeçari ka marrë një palë gërshërë nga dhoma e gjumit dhe ka nisur të ndjekë vëllanë e tij të vogël, i cili në tentativë për t’u arratisur ka tentuar të fshihet në dhomën e ndenjes duke mbyllur derën ndarëse pas tij. Në fund nuk ia doli. 18-vjeçari ka hapur derën e dhomës së ndenjes, ka sulmuar vëllain e tij dhe ka nisur ta godasë me gërshërë në gjoks, duke e plagosur për vdekje.

Zbardhja e tragjedisë ka ndodhur pak para orës 21.00 të natës pas një telefonate të fqinjëve që kanë dëgjuar përleshjen. Oficerët e veprimit të menjëhershëm shkuan në shtëpi dhe gjetën 16-vjeçarin në dyshemenë e kuzhinës në një pellg gjaku.

Njëkohësisht në dhomën e gjumit u gjetën edhe gërshërët e përdorura në vrasje. Siç rezultoi nga dëshmitë e banorëve të zonës, nuk ishte hera e parë që dy vëllezërit debatonin dhe në të kaluarën kishin pasur zënka të ashpra.

E shkuara shumë problematike mes dy vëllezërve

Banorët e zonës flasin për fundin tragjik të një marrëdhënieje të tensionuar mes dy  vëllezërve.

Sipas dëshmive, kjo nuk ishte hera e parë që dy vëllezërit arrinin ekstreme për një sherr. Verën e kaluar, gjatë një mosmarrëveshjeje përsëri për rrobat, ata ishin mbajtur për dore në cep të shtëpisë së tyre.

Në atë kohë, viktima 16-vjeçar kishte rrahur me  grusht hekuri vëllanë e tij të madh, ndërsa 18-vjeçari kishte nxjerrë një thikë  duke tentuar ta plagoste.

Dy fëmijët janë ndarë nga fqinjët e tyre ndërsa në vendngjarje ka mbërritur edhe një makinë e policisë së Veprimit të Menjëhershëm.

“Ata kishin luftuar në të kaluarën, por nuk e prisnim që të arrinin deri këtu”, thotë një tjetër banor i zonës për protothema.gr.

“Ishin grindur për një këmishë, por vetëm me fjalë”, shton një shok i dy fëmijëve.